沪语诵读经典散文小鸟个天堂

　　　　　　　　　　　　　　　　　　　　　　　　　　　　

原创巴金海上梦叠

作者：巴金

沪语改写、讲述：边秦翌

审核推荐：丁迪蒙

编辑：王乙其

阿拉个船慢慢叫个靠近榕树了。我再有机会看清爽伊个真面目：是一棵老老大个树，有数勿清个丫枝，枝浪向又生根，有交交关关个根垂下去，到地浪，又伸到烂泥地里去了。一部分个树枝垂到水面浪，从远个地方看，就象一棵大树斜躺勒水面浪向一样。

现在刚好是枝繁叶茂个时节。迭棵榕树好象勒勒拿伊全部个生命力展示拨阿拉看。介许多个绿叶，一簇堆勒另一簇个高头，勿留一点点缝隙。翠绿个颜色邪气明亮，勒阿拉个眼门前闪耀，像煞每一片绿叶浪向侪有一个新个生命勒勒颤动，搿美丽个南国个树啊！

船勒树下头停了片刻，岸浪向邪气湿个，阿拉呒没上去。朋友讲，此地是“鸟个天堂”，有勿勿少少鸟勒迭棵树浪向做窝，农民勿许人家去捉伊拉。我好像听到了几只鸟扑翅膀个声音，但是，等到我个眼睛仔仔细细看过去个辰光，却是看勿到一只鸟个影子。只有无数个树根立勒地浪向，像煞是交交关关根木桩子。地是湿个，大概涨潮个辰光，河浜里个水常庄冲到岸浪向去伐。“鸟个天堂”里呒没一只鸟，我搿能想。船开了，一个朋友划仔船，笃悠悠个划到河浜当中去了。

第二天，阿拉划仔船，到一个朋友个家乡去，就是伊个有山、有塔个地方。从学堂出发，阿拉又经过了“鸟个天堂”。

搿趟是早浪向，阳光照勒水面浪，也照勒树梢浪。一切侪显得邪气光明。阿拉个船勒树下头又停了一歇。

一开始，四周围非常清静。后首来，忽然起了一声鸟叫。阿拉个手一拍，就看到一只大鸟飞起来了，挨下来第二只，第三只。阿拉勿停拍手，邪气快，迭片树林就变得邪气闹猛了。到处侪是鸟个声音，到处侪是鸟个影子。大个，小个，花个，黑个，有个立勒枝头浪叫，有个呢，飞起来，勒勒扑翅膀。

我注意个看。我个眼睛真个是应接勿暇，看清楚搿只，又看漏脱了伊只，看见了伊只，第三只又飞脱了。一只画眉飞出来了，拨阿拉拍手个声音一吓，又飞进树林里，立勒一根小树枝浪兴奋个唱，伊个歌声真好听啊。

小船朝高塔下头个乡村流过去个辰光，我还回过头去看留勒后头个邪气茂盛个榕树。我有一点留恋个心情。昨日子我个眼睛骗我了。“鸟个天堂”，的确是鸟个天堂啊！

讲述：边秦翌

——————————————————

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。

沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。

沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年儿童出版社

《实用沪语》复旦大学出版社

《上海话绕口令》少年儿童出版社

《上海方言词语使用手册》上海教育出版社

《上海话读成语故事》少年儿童出版社

《囡囡学童谣》，少年儿童出版社

《囡囡学成语》，少年儿童出版社

原标题：《沪语诵读经典散文：小鸟个天堂》

　　　　

转载请注明：http://www.abuoumao.com/hykh/3708.html